You are currently browsing the category archive for the 'On Cebuano Words' category.
samtang nagatikaw-tikaw ako sa among panimalay karong takna-a, nagahuna-huna kun unsay mabuhat aning taknaa, nakapamalandong ako nga hinay-hinay na akong makalimot sa binisayang akong nakat-unan sa among panimalay sukad atong bata pa ako. niabot ang takna nga wala na ko nakahinumdom kung unsa ang tawag sa laki nga manok ug ang kalahian niini sa babayi. nakigpulong ako sa akong usa ka uyu-an ug iyang gipahinumdom sa akoa ang ubang mga laglum na binisaya.
dili ako bisaya gayud. ang akong inahan kay adunay dugong kapampangan samtang ang akong amahan kay bul-anun. busa kining akong ipamulong ngari karon kay pwede katuuhan, pwede pud nga hikalimtan.
sukad karon, magsuwat akog mga pulong sa binisaya arun dili nato makalimtan ang atong pagkabisaya.
mao kini ang binisaya sa pipila ka mga pulong na akong nakalimtan. sukad karon, aduna na akoy buluhaton ka isuwat nganhi ang tanan nakong mahinumduman nga binisayang ako nang nakalimtan. unta makatabang kini.
sunoy – usa ka manok nga lalaki
sugong – sudlanan sa tuba nga makuha gikan sa lubi
my visitors